NABABAN BORU BERE / IBA BERE BAGAN BATU SEKITARNA.
Senin 13 OKTOBER 2014 .Di Aula Pardomuan Nauli Bagan Batu
THEMA :
Hinauli ni ngolu Par Hahamaranggion Psalm : 133 :1 - 3
Indahnya hidup dengan Rukun
- Ende hananangkok sian si Daud. Ida ma, dengganna i dohot sonangnai, molo tung pungu sahundulan angka na marhahamaranggi!
- Songon * miak na hushus di ulu pola mabaor tu mise, tu mise ni si Aron, pola mabaor sahat tu rambu ni angka ulosna.
- Songon nambur ni Hermon, na mabaor tu angka dolok Sion, ai disi do diparbaga Jahowa pasupasu, hangoluan sahat ro di salelenglelengna.
- Alangkah baiknya dan indahnya, apabila saudara-saudara diam bersama dengan rukun!
- Seperti minyak yang baik di atas kepala meleleh ke janggut, yang meleleh ke janggut Harun dan ke leher jubahnya.
Seperti embun gunung Hermon yang turun ke atas gunung-gunung Sion. Sebab ke sanalah TUHAN memerintahkan berkat, kehidupan untuk selama lamanya. SUB THEMA : Marhite Pesta Jubilleum Partangiangan on, Borsak Mangatasi Nababan , Boru Bere / Iba bere , Lam Masihaholongan,di bagasan hasadaon niroha. Dengan Semangat Pesta jubileum Partangiangan ,Borsak Mangatasi Nababan ,Boru / Bere,
Hendaknya semakin saling Mengasihi,kompak dan bersatu Hati.
I : PANGARADEON DIRI. II: KEBAKTIAN. III: MAKAN BERSAMA IV : HIBURAN. V: SAYONARA. I .PANGARADEON DIRI :
1. Persiapan - Pendaftaran Anggota Partangiangan / Semat Bunga
2. Pendaftaran Penerima Beasiswa Tingkat PerguruanTinggi minimal IP 3.0 ( Copi Transkrip ) Hadiah tu na dapot karejo: PNS,TNI,POLRI/Wisuda
3. Pembenahan Inganan ,Alat Pendukung Kebaktian.
II .KEBAKTIAN : 1. Marende 690 : 1 – 3 Hibul rohangku
♪ ) Hibul rohangku di Tuhan Jesus Sude ngolungku di Tuhan Jesus Ihuthononhu do Tuhan Jesus dang olo au sumurut be.
♪♪ ) Sai hu tundalhon haportibion, Silang ni Kristus ma hudapothon Sai hu tundalhon haportibion dang olo au sumurut be.
Musik………………..
♪♪♪ ) Tung so adonpe na olo dohot,alai rohangku sai marsihohot Tung so adonpe na olo dohot dang olo au sumurut be.
2. Votum / Introitus :
U1. Hamu angka Ama / ina,hahaanggi,pinaribot ,na hinaholongan ni Tuhanta Jesus Kristus. Robema hita tu adopan ni habangsa Nabadia I, Tasombahon ma Puji - pujian dohot Hamauliateon ni rohanta tu Tuhan Debata Pardenggan basa,parasiroha nasangap i na mar mudu-mudu ngolu ni daging dohot ngolu ni tondinta. Sude . Nungnga Pungu be hami O Tuhan Debata, sian Pomparan ni ompu nami Borsak Mangatasi Nababan Boru Bere Ibabere,Marsomba hami nuaeng di joloMon,mamuji GoaraMu Nabadia i. U2 . Marhite-hite Goar ni Tuhan Debata Ama namanongtong ro disaleleng ni leleng na: Debata namanjou Marga Nababan gabe bangsoNa,Debata Nabadia,Nasatia mar mudu muduhon dohot manogu nogu sude Pomparan ni nababan Boru , Bere,Ibabere . Sude .O Tuhan Debata Ama sitompa Parluhutan i, Tangihonma soara dohot pangidoan nami ,nahu sombahon hami tu Ho sadarion. U1 . Dohot dibagasan goar ni Tuhan Jesus Kristus,Debata napapatarhon diriNa di bagasan rupa ni jolma,na di suru Debata laho paluahon hami jolma pardosa sian uhum namanongtong i. Sude .O Tuhan Jesus Kristus Si hop hop hami jolma,ondihon hami Pomparan ni Nababan on,di paruhuman sogot i. U2 . Dohot dibagasan Goar ni Tondi Parbadia.Tondi ni Debata namanubuhon Huria dohot namanjou halak naporsea tu bagasan parsaoran nabadia,namanjou dohot na mangalehon hagogoon laho manghobasi angka ulaon na Tama.
Sude . Hu somba hami maHo ,O Tondi Parbadia.Sai lehonma hadameon nang las ni roha di hami Pomparan ni Nababan on pa puji puji pambahenaMu na sai godang i U1 .Hupuji,husomba jala hupasangap hami ma Ho ale Debatanami, Sitolu Sada i. U2 . Mandok Mauliatema hamu tu Jahowa ai pardenggan basa do Ibana,ai ro di saleleng ni lelengna do asini rohaNa.
Sude . Sai gok di Homa Somba dohot roha Mauliate nami ale Debata si tolu sada i.
U2Martangiang ma hita: Ale Tuhan Debata, Amanami na di Banua ginjang, puji pujian,hamauliateon dohot sombanami ma di Ho na sangap i. Ho do Debata Amanami na marmahani jala nasumarihon na ringkot di ngolunami. Namar pungu do hami di jolom,ima Pomparan ni Borsak Mangatasi Nababan Boru, Bere/Ibabere,naro sian ganup bagas nang lunggu nami marsada sada,hu hatindangkon hami do denggan basa dohot asinirohaM namauliutus tu hami saluhutna. Hu parhatopot hami do na tong - tong do Ho rade mamasu masu dohot manumpahi ngolunami dung di patupa hami Ulang Taon Partangiangan on, ima Naung pinungka ni ompu nami di ari 13 Oktober taon 1955 nasalpui. Ale Tuhan Debata , Parasi roha na sumurung,sai pargogoi ma hami laho mangula angka siulaon nami siganup ari. Sahat tu tangan Mu ma Saluhut Pomparan ni Ompu Nami Borsak Mangatasi nababan Boru, Bere / Ibabere di sandok Portibion.Tangihon jala oloima tangiang nami on: Ale Jahowa Debata Ama nami marhite hite anakMu Tuhan Yesus Kristus si Pangolu hami Amen.
3. Marende N0 .722 : 1 – 2 ( Tu joloMi Tuhanku )
♪) Tu joloMi Tuhanku,huboan diringkon Palua ma tondingku,sian saluhut dosangkon Jesus Ho do Tuhanku,Jesus Ho do Rajangku Tu TanganMu ma o Tuhana,hu pasahat daging tondingkon
♪♪ ) Tu Joloni Tuhanku marsinggang au hohom, Tangihon tangiangku asi rohaM di au on. Jesus do na umboto saluhut na rumingkot dameMi ma manongtong,lehon ma tu au on naposo .
4.MANOPOTI DOSA dohot HASESAAN NI DOSA.
U1 . Hamu angka dongan nahinaholongan ni Tuhan Jesus! Na jong jong do hita nuaeng di jolo niTuhan Debata laho manopoti dosanta.Ala ni i,tama do alusanta angka sungkun sungkun on ,dibagasan rohanta be: Di ingot ho dope angka pangulaon mu dohot parangem nasaleleng on? Nungnga di lehon Tuhan Debata tu hita pasu pasuNa ganup ari,di lehon sipanganon dohot hahipason,di lehon parbinotoan nang panggulmiton ni ngolu,di lehon udan dohot lasni ari ,mar mudu muduhon hita tinompaNa i.Di lehon do Dongan saripe, Ianakkon, dohot tondong nang, ale - ale di ganup hita. Boha do tahe ale angka dongan, Tahamauliatehon do i tu Debata? Taongkuhon do paboa Tuhan Debata nasasada i,i do namangalehon saluhut nai tu hita? Marsangap ma Tuhan i,molo dung di hamauliatehon ho i. Alai molo so di dok ho dope mauliate siala saluhut nai,tama do solsolan mu dirim.sadariaon di jolo ni Debata,marhite Pertangiangan on
. ……………….saat teduh diiringi musik / organ Ref BE.NO: 683. Sude . Mangendehon : DiadopanMu Jesus lea tutu do diringki,dibaen godang ni dosangki diadopanMu Jesus
U2 .Ale Tuhan Debata, Amanami Parholong jala Parasiroha di nasa hajolmaon. Di bagasan roha na magopu do hami nuaeng ro tu adopanMu,ala ni dosa nami nagodang i. Dang adong nahupangasahon hami dunghon ni sinirohaM.nungnga hubilang bilangi hami parngulaon dohot pangalahonami nagok dosai. Sai asima rohaM di hami,sesama dosa nami I saluhutna. Sude. Mangendehon : DiadopanMu Jesus,marsomba au huhut tungki,lao manopoti dosangki ,diadopanMu Jesus U1 . Hamu angka dongan nahinaholongan! Molo nungnga tangkas tapatedek angka dosa dohot pangalaosionta i di adopan ni Debata,mardongan unduk dohot serepni roha,jalo ontama hasesaan ni dosantai sian Debata. Alani i tabegema baga baga ni Debata taringot tu hasesaan ni dosanta: Molo tatopoti dosanta,haposan do ibana jala Bonar,manesa dosanta jala paiashon hita sian nasa hageduhon. Songon sintong namangolu Ahu, ninna Tuhan Jahowa,tung nasolomodo rohangKu mida hamatean ni angka parjahat i,so ingkon marnida hamumulak ni parjahat i tumadingkon dalanna i nian,asa mangolu ibana. …………….Hasangapon ma di Debata nadiginjang! Sude : Mangendehon : Diadopan Mu Jesus taruli au di asiMi,tu Ho ma sahat diringki,di adopanMu Jesus. 5. Koor : PS BM Nababan : Batapa Hatiku Tak Bergemar 6. Marende No 672 : 1 – 2 Tung godang situtu ♪) Tung godang situtu ulaonmu antong,di pasahat Tuhahta tu ho. Ndang adongbe tingkim mar nalemba tahe,ngolumi bahen tiruan tong tong Reff Sai patupama i alani Tuhan I,so manghirim balosna tu ho. Debatado marnida na ni ulami manang na adong parbueni i. ♪♪ Ai lambok do soara ni Tuhanta i,ro ma ho las ma nang rohami Sai tangihon tong-tong hata ni Tuhan i, Mangarahon Jolma tu Tuhan i Reff……..
7. MANJAHA EPISTEL:
U2 : Hata ni Debata Epistel di Ulang Taon pa 59 hon Partangiangan Borsak Mangatasi .Nababan,Boru,Bere/Ibabere. Natarsurat di Jesaya 43 : 18 - 19 Songononma Pandok na:
U 1 : Unang be paingotingot hamu angka na masa najolo, jala unang be pingkiri hamu angka na robi:
Sude : Ida ma: Bahenonku ma na imbaru, nunga pola martumbur nuaeng; tung so tandaonmuna ma i? Songon do tahe, bahenonku ma dalan di halongonan, angka * batang aek di tano bangkalbangkal.
UI / U2 : Martuama natumangihon Hata ni Debata , naumpeop jala mangulahonsa. 8. Koor : PS Nababan Bagan Batu : Unang Marisuang
9. KOOR : TUBU DI TANO TIPANG
1. Tubu di tano Tipang do Marga Nababan.Gabe di tumpak Tuhan rarat ma tu Humbang. Ari sampulu tolu bulan sampulu da,pungu mangido ngolu tu Tuhan Debata.
2. Hamu ale donganhu Marga Nababan i,Pahombar ma langkamulomo ni Tuhan i. Padao ginjang ni roha sai tiop burju m i asa denggan martua uli tinuju mi.
3. Sahat ma Pasu pasu tu marga Nababan, sahat dohot tu boru Iba bere pe. Manumpak ma Tuhan ta lao pa tulushon i, sai gabe jala horas di hasadaon i.
10. TANGIANG PANGONDIANON SIAN:
Anak/ namarhaha mar anggi : …………………………………………
Pokok Doa: Asa si tanda jala sihangoluhon hata ni Debata,jala si partangiang Pomparan ni Nababan, Boru Bere/Ibabere.Parroha Haserepon,dao sian ginjang ni roha. Boru / Hela :……………………………………………………… Pokok Doa :……Asa di angka ari namangihut Tamba angka anak nabisuk dohot Boru napantas marroha. naolo masibeta betaan tu angka ulaon nadenggan,ringgas masiurupan jala basa marsilehon lehon. Bere / Ibabere :………………………….. Pokok Doa……. Asa lam tarida Hadameon, di bangsonta Indonesiaon,Malua sian haotoon,hapogoson,dohot sian ragam ni bencana Namasa.Asa lam margogo jala marbisuk,angka pengurus di punguan dohot di Negara Padasiphon ragam ni Pargoluon di Masyarakat. Naposo Bulung :…………………………………………….. : Pokok Doa : …..Asa di lehon Debata Ganjang ni Umur,Hahipason,tu angka natoras/sundut natumua,naburju mangajari,naringkot mamodai. 11. Marende N0 656 : 1 + 3 .( Parhahamaranggion ) …… ♪ Parhahamaranggion i,lam hot jala togu.Singkop do hasadaon i,di Jesus i burju.Rap sauduran hita be mar holong natutu. mar Dame mar las Roha ma di Jesus i tutu……… . ♪♪♪ . Ai di sagihon do ganup asi asi Nai, Asa ringgas huhut burju di ulaonnai. Sai lam serepma rohamu hombar tu hata i. Par holong rohama hamu maniru Tuhan i. 12. JAMITA : ……………… 13. BE.No 719 1 – 3 . Hubege soaraM OJesus..Papungu Pelean… ♪) Hubege soaram o Jesus Hubege soaram o Jesus Hubege soaram o Jesus na manjouhon ihuthon maAu Togu au Jesus Tuhanku, Iring iring ma langkangku, Patuduhon ma dalanMu,asa unang unang lilu au ♪ ♪) Hu pasahat ma diringku,hu pasahat ma diringku Hupasahatma diringku,mangihuthon Jesus Tuhanki. Reff… ………………… Organ………………………………… ♪♪♪ ) Par gogoi ma au Tuhanku,Pargogoi ma au Tuhanku Pargogoima au Tuhanku lao mamorsan silang na tu au. Reff…………………………………..
14. Pemberian : Bea Siswa : • Mahasiswa yg memiliki Nilai IP minimal 30.0 • Hadiah tu nadapot titel PNS/TNI/POLRI. Wisuda S1/ 15. TANGIANG PELEAN –ALE AMANAMI- PENUTUP. AMEN.
16. MARSIJALANGAN tu nadi lambung na
17. Pemotongan Kue Ulang Tahun : di atur tersendiri
III.MAKAN BERSAMA:
- Pengumpulan Dana
- Huhuasi sian Bolahan Amak; Bagan Batu.
- Mewakili naro sian luar Bagan Batu
IV.HIBURAN. Di atur tersendiri sesusai partingkian.
V .SAYONARA. H O R A S - H O R A S - H O R A S
SEJARAH PARTANGIANGAN BORSAK MANGATASI NABABAN 13 OKTOBER 1955 DI SIBORONG BORONG TAPUT,SUMUT
Tapujima Debata napatupahon Godang lasniroha di Pomparan Borsak Mangatasi Nababan, Anak,Boru,dohot Bere/Ibabere ima marhite hite Pasu pasuNa, di balgani asi ni rohaNa nasohadodoan i,atikpe mansai manginsombut parungkilon i, manosak sude ngolu ni marga Nababan Boru / Berena,ima isara ni ; Hapogoson,siaknibagi,haetehon di hajolmaon, hajahaton,parbolat bolaton,tartading di hamajuon / hapistaran dan dope tahe, ndang sitaonon , arsak ni roha i,hape hata pangujungi / parpudi di sandok Pomparan ni Borsak Mangatasi Nababan i. Ingkon rajuman ni rohanta do jala ingkon Hatindangkononhon,Paboa Debata do marhite hite Ompunta sundut naparjolo,i ma na patupahon sangkap Nauli marhite na membuka lembaran Sejarah naimbaru,mar hite-hita sada acara/ulaon na di goari Partangiangan. Di panindangion di bagasan Panghirimon paboa dao umbalga ,jala tumure hape molo Debata,napaingothon,jala na parborhathon jolma i tu Sejarah/ngolu naimbaru,so pola sai paingot ingot dosai,asalma olo jolmai di PABORHAT jala mangolu di bagasa ngolu PARTANGIANG ON Natorus Manorus. Di pamanat angka Ompunta Sundut angka naparjolo, naung mang hilalahon Pangontak (Akibat) ni Pangalaho/Namasa i , ima songon Sibonsiri na sekaligus Sebab Akibat, di sitaonon,naung manginsombut tu sude nasa Parngoluon ni pomparan ni Nababan Boru /Bere.ima di ngolu Pardagingon ( Sosial ,Ekonomi ) dohot di ngolu Partondion ( mar Tuhan ). Dalan mangalului jalan keluar,asa malua nian Pomparan ni Nababan i sian sude ragam ni nahansit ( Penderitaan) i, ima; Pangalaho di Parsaoran naso mar impola isara ni holong ni roha,di namarhaha maranggi dht di marhula hula , mar boru. Ala ni ima di ula angka Ompunta naparjolo i, asa tung tangkas namasai,di parateatehon sude Pomparan ni Nababan, jala sada, Pangantusion mangantusi namasa i songon sitaonon ni saluhut Pomparan ni Nababan ( Si sada sitaonon). Jala Padoshon Pangantusion di lapatan dohot di gogo ni Tangiang na Mangolu tu Debata Namangolu I , ima songon dalan Paharuarhon Pomparan ni Nababan,Boru /Bere Menuju Dalan Haluaon ( Kelepasan ) Sekaligus Keselamatan ni ngolu Pardagingon dohot ngolu Partondion. Dung tangkas Pangantusion i di angka Natua tua naparjolo i,sian dos ni roha, jala sian tahi na mansai denggan di patupa ma: Ulaon na di goari Partangiangan, ima na di tanggal 13 Oktober 1955 nasalpu,di Siborong-borong Tapanuli Utara-Sumut Na di Ontang ( di undang ) tu Partangiangani, ima; Sude Marga Nababan Boru/Bere/Ibabere;Dongantubu Toga Sihombing, hula hula ( Pasaribu,Aritonang Ompusunggu,Manik ), Boru Sihabolonan,dohot Boru Natua tua ( Silitonga,dst ) Raja ni Bius utusan ni: Marga, Luat/ Lunggu, Pamarenta,dohot Huria. Partording ni acara di Partangiangan i ,ima : sian saluhut Pomparan ni Borsak Mangatasi Nababan Boru/Bere, rade masisesaan dosa,laos mangido maaf tu sude Raja / inanta Soripada Naliat Nalolo,di angka hasalaan dohot di angka Pangalaho, aa patorbanghu ( Pajolo hu ) asa tung Salpu i sian angka Parningotan dohot Roha ni saluhut, jala laos mar hite hite Partangiangan I, saluhutnasida Tumangianghon Pomparan ni Nababan , tu Debata Par Asi roha I,asa dapotan Tua dohot Pasu-pasu di hagabeon hamoraon ,hapistarannang di hasangapon,jala laos di acara i, di pangidohondo Hasesaan ni Dosa tu Debata Nabasa I, ima mar hite-hite ParhaladoNa ( Huria ). Di totop hon do disi,Asa martuturma Pomparan ni Nababan Marguru Tu NOMOR TAROMBO,dang jadi be adong namandok: Nababan Dolok dohot Nababan Toruan,asa salpuma nasalpui . Di Acara Partangiangan i di sosohon do asa di ganup Luat/Inganan di sude Pomparan ni Nababan Di ganup Taon, di Patupa Partangiangan, marhite hite Hahohomon,dohot Unduk ni Roha di Bagasan Haserepon di adaopan di Gebata nabasa I,,unangma mar guru tu Sibahenon,tung sian Roha mauliate ma tu Tuhan i. Tung tangkas do di Enet Ojahan ni Partangiangan i sian Barita Nauli na tarsurat di Pslm 133: 1-3. Songon sahalak Sponsor/Penggagas Amanta St Theopilus Nababan na margelar “si Jabu jabu", jala tung sian Petunjuk ni Debata do di ida Amanta si Jabu jabu Ayat Turpuk i di bagasan Tangiang na ,ima dalan: Hasadaon,Pardamean di Pomparan ni Borsak mangatasi Nababan,dohot mangido Asini Roha ni Debata tu sude Pomparan Marga Nababan. Ture do saluhut Pardalanan ni Ulaon i dung singkop marsipanganon marhite hite Adat Habatahon, di bahoni do Saluhut ,mar hite Parjambaran juhut nang pasi tuak na tonggi ni Raja nang Inanta Soripada,di naung jumolo denggan di ulosi Angka Hula hula i, angka ianangkon na, tung denggan do tahe masigabean jala ma si horasan. Di taon 1980 na salpu di patupa do Jubileum 25 taon Partangiangan,Borsak Mangatasi Nababan,Boru/Bere di Siborong borong Tapanuli Utara,di Pesanhon do marhite Partangiangan i, asa Mar HASEREPON, MARTORUK NI ROHA, BURJU MARTANGIANG, HUHUT MARROHA MAULIATE TU DEBATA NABASA I. Di Sensus do jumlah KK ( jiwa ) Namartitel/Namarsikkola na timbo nungnga be lam -TOROP nian . Jala di taon 1991,di patupa do PARRIAAN ni Nababan di Jetun Silangit Si borong borong ,jala hasil dohot Tona/Pesan ni Parriaan i, - Asa Marojahan tu Pesan Partangiangan 13-Oktober 1955,na salpu sude bentuk ni Parsadaan ni Nababan. - Patupa Program jangka Pendek,Menengah dohot Panjang di sude sisi Kehidupan, - Ni Uluhon ni Pengurus Harian Pusat/Daerah di Sandok Portibion Pahantushon TAROMBO ( Partuturan ) dohot Paradatan. - Ditolopi do LOGO ni Nababan,songon on ma L O G O NI MARGA NABABAN KETERANGAN : 1. Pohon Beringin : Sada do Nababan. 2. Bintang : Mar-Tuhan 3. 10 Laras Sinar : Bln 10 (Oktober) 4. 13 Akar Tunjang : Tgl 13 5. 2 Akar : Dua Yg meneruskan Marga Nababan; 1. Sandar Nagodang 2. Tuan sirumonggur . 6. 55 Gulungan Daun : Tahun 1955 ( 55 ) 7. 8. 4 Buhu Pd Batang : 4 kali Anak Sasada: 1. Siantar Julu 2. Siantar Jae 3. Tuan si Sogo sogo 4. Op.Domi Raja. 8.Segi Tiga : Dalihan Natolu Molo taida di LOGO on nungnga be tung tangkas Sejarah Ni Nababan i,di hita.Jala mura ma hita marningot sa. Mauliate ma di Tuhan,na mangajari nabisuk ta patomu-tomuhon,Logo/lambang on,asa tung singkop boi antusanta sejarah ni marga Nababan. MARS BORSAK MANGATASI NABABAN Tubu di Tano Tipang do , Marga nababan Gabe di Tumpak Tuhan , Rarat ma tu Humbang . Ari Sampulu Tolu , Bulan Sapulu i. Pungu Mangido Ngolu , Somba tu tuhan I. Hamu Ale DonganHu , marga Nababan i . Pahombar ma Langkamu , Lomo ni Tuhan I. Padao Ginjang ni Roha , Sai tiop Burjumi. Asa Denggan Martua , Uli Tinuju mi . Pasada Ale Tuhan hami nababan on, Ido Dalan ni Tua , Ro tu Joloan on Sahat ma Pasu – Pasu , tu Hita Nababan Sahat tu Boru,Bere,lehonon Mi Tuhan. Na di ari 13 OKTOBER 2OO5 di patupa do Jubileum Limapulu Taon Partangiangan Borsak Mangatasi Nababan,di Siborong-borong,di paandar do maksud dohot tu juanni Jubilem lima puluh taon Partangiangan i.ima : MAKSUD : A,Paingothon jala Pasunggulhon tu sude ngolu ni Pomparan ni Borsak Mangatasi Nababan,Boru/Bere,paboa marhite Partangiangan 13 Oktober 1955, do adong Lembararan Kehidupan Naimbaru di Pomparan ni Borsak Mangatasi Nababan.Secara menyeluruh ima Noglu Pardangingon dohot Nolu Partondion. B.Pasadahon huhut Padasiphon sude Hasil Evaluasi songon Parbue ni Panindangion di Pasu-Pasu ni Debata di sude Pomparan ni Borsak Mangatasi, marhite hite na patupahon Partangiangan siganup taon,dohot angka parbue ni Parsadaan na adong /di patupa di ganup Lunggu nang luat di sandok Portibion. Ima di Keberadaan,Situsi/Kondisi ni marga Nababan di naung / di naso haru mandai Pabue ni Hamajuon Di Ilmu Pengetahuan dan Tehnologi ( IPTEK ) dohot di Parngoluon Par Ugamoon. Lapatanna Mar hite Jubileum pa 50 hon i ma Pangkeon ni Nababan ,Boru -Bere/ Iba Bere ,mangarimangi Keberhasilan dohot angka kendala – kendala na. TUJUAN : A.Patupahon Pesta Jubileum 50 taon Partangiangan Borsak Mangatasi di sandok luat na ni inganan ( Tempat tinggal ) ni marga Nababan,hombar tu angka Partingkian na di atur menurut lunggu manang marhite hite petunjuk naro sian Pusat Parsadan ni Nababan,( Panitia Pesta Jubileum 50 taon Pusat ), ala Puncak Pesta Jubileum di Patupa do di Bona ni Pasogit Siborong borong mulai tgl ; 12-13 Okt ober 2005. B. Patupahon Kebaktian Raya ima Puncak ni Pesta ,di hari “H”,molo pe tung Godang acara hombar tu na tar patupa ganup lunggu,na so manirpang sian PESAN-PESAN Naung rap ta hangoluhon, sian Pesan Partangiangan 13,Oktober,1955,na salpu i. C. Pasingkophon Dosni Roha dohot Holong Parsaoran, Partinandaan,Tarombo,Paradatan,Dan, manang Meningkatkan Hubungan Persaudaran/Silaturahmi tu saluhut Pomparan ni Borsak Mangatasi Nababan, Boru/Bere. Jala pahantushon pangantusionta Ia Ulaon i margoar; PESTA JUBILEUM 50 TAON PARTANGIANGAN do. Pelaksanaan Pesta Jubileum 50 Tahun Partangiangan Borsak Mangatasi di Siborong borong.mansai denggan do mardalan Pesta Jubileum Partangiangan i,dung jumolo singkop di ulahon Panitia,rap dohot angka natua tua,nang angka pangaranto adat Jiarah tu sude tempat tempat sejarah di pardalanan ni Ompunta sundut angka naparjoloi. Marpungudo sian Desa Naualu Pomparan ni Borsak Mangatasi, Boru, Bere/Ibabere mandohoti Ulaon Pesta i,Lobi 22 000.jiwa naterdaftar,asing ni Undangan : Hula hula : Lontung, Pasaribu.Haha anggi Toga sihombing / Toga Simamora,dohot Boru sihabolonan Silitonga.Hadir do di Ulaon i,Pemda Taput ni wakilan ni Bupati; Torang Lbn Tobing, Tobahas ni wakilan ni Bupati St Drs Maddin Sihombing .nang Pemda Tobasa niwakilan ni Bupati St Drs Monang Sitorus. Acara pelaksanaan ni Ulaon Pesta Jubileum I, ima Prosesi Panitia rap dohot Umum mulai jam 8.30.oo.Wib sian Bagas ni Amanta Si Jabu-jabu nahinan di jln Sadar Siborong borong sahat tu inganan Pesta di jln Tarutung Km 1,5, jala dung sahat Barisan Prosesi na sinambut Ribuan Pomparan ni Borsak Mangatasi, jala di susul Barisan Prosesi Partohonan ni Huria ni Uluhon ni Pdt Dr SAE Nababan, langsung ma masuk tu acara kebaktian naung di atur Panitia secara teratur jala Hikmat. ung sidung acara Kebaktian Panjangkonon di Angka Undangan ima Horong Haha anggi,Hula hula,Boru, Pemda,Ormas Pendukung,nang Aleale;sian Perkumpulan ni 17,suku naadong di siborong borong/Taput.di adopi Panitia do saluhutnai Dohot Adat Nahombar di Jambar Harajaon,jambar Hata,nang jambat Juhut,dung singkop Marsipanganon.Atik pe diacara Umum i,ro do udan mansai doras,dang Pangambati i,di sude peserta Pesta,nang di angka undangan melanjutkan acara diangka namarhata sambutan dohot ucapan selamat di bagasan tangiang. Di tangianghon sude naniontang tu ulaon i do, saluhut Pomparan ni Nababan na di Bona ni Pasogit nang na di Parserahan .
Dung Jumolo patupahon angka rapot padasiphon sude angka na ringkot di Parsadaan ni Borsak mangatasi Nababan,di uluhon ni pengurus Pusat ,di totophon do ari Selasa 12 Oktober 2010,di mubes Pomparan ni Borsak Mangatasi Nababan Pamilliton ni Pengurus naimbaru ima songon Periode Pengurus Pusat Parsadaan Borsak Mangatasi Nababan Saportibi,ima di Jetun Silangit Siborong-borong Taput Sumut. Jala laos di Pusathon Acara Partangiangan na pa 55 hon na di tano tipang dung jumolo di lantik Pengurus Pusat naimbaru terpilih,sahat do Gokkon Jou-jou Mubes tu Hita Na di Rohil on melalaui melalui amanta St J Nababan ( Pak Hanna ), jala laos di sangkapi do laho membangun sada rumah singgah di komplek ni hinambor ni ompunta Ompu Domi Raja,asa adong inganan pemondokan di angka Pe jiarah tu joloan on. Dang Tarbahen Hami mandohoti Mubesi,ala angka ronsot ni angka ulaon,sai asima roha ni Debata di Patulus mai hombar tu sangkap ni Debata gabe dalan Pasu-pasu tu sude Paomparan ni Nababan di sandok Portibion.
Molo di Bagan Batu sekitarna,sadarion senin 13 Oktober 2014,on ma Partangiangan na pa 24 hon ,dung di pungka 13 Oktober 1990 na salpu di Bagas ni Op Sherly Nababan/Br Aritonang di Jl Gereja najolo,nuaeng Jl Fierre tandean. Songonima Pinatupa sejarah on,molo tung adong nahurang jala na palobihu hupangido hami asa lam ta pasingkop tu joloan ni arion. Mauliate. (St.JhonsonA.HannaNababanHBrHutajulu )
Tampak na do rantos na Rim ni tahi do gogona Masi amin aminan songon lampak ni gaol Marsitungkol tungkolan songon suhat di robean
Posting Komentar